सासवडः शुक्रवारी सकाळी सात वाजण्याच्या सुमारास पीएमटी बस आणि दुधाने भरलेला टँकरचा अपघात झाल्याची घटना घडली आहे. या अपघातमध्ये पोलीस भरतीची तयारी करणाऱे विद्यार्थी जखमी झाले आहे. सुदैवाने कोणतीही जीवितहानी झालेली नाही. अपघाताच्या घटनेची माहिती मिळताच वडकीतील स्थानिक नागरिकांनी जखमींना येथील चिंतामणी रुग्णालयात दाखल केले आहे.
शुक्रवारी सकाळी सात वाजण्याच्या सुमारास दिवे घाटातून सासवडच्या दिशेने पीएमटीबस चालली होती. त्याच वेळी सासवडहून पुण्याच्या दिशेने जाणाऱ्या टँकरवरील चालकाचे वाहनावरील नियंत्रण सुटले यामुळे टँकर थेट बसला घासला आणि वळणावरती जाऊन पलटी झाला. या अपघातामध्ये काही जण जखमी झाले आहेत. टँकरमधून मोठ्या प्रमाणावर दूध रस्त्यावरून वाहत होते.
