मच अव्हेटेड सिनेमा म्हणून ज्या सिनेमाकडे पाहिले जात होते, तो म्हणजे स्त्री २ आज रिलीज झाला आहे. या सिनेमाला प्रेक्षकांची चांगली पसंती मिळताना दिसत आहे. या सिनेमा सोबतच खिलाडी कुमार अक्षयचा खेल खेल में आणि जॅान अब्राहमचा वेदा रिलीज झाला आहे. मात्र प्रेक्षकांची पसंती स्त्री २ ला मिळताना दिसत आहे. अशातच सिनेमाच्या मध्यातरांमध्ये छावा (chava) सिनेमचा एक टीझर दाखविण्यात आला आणि काही वेळातच तो सर्वदूर पसरला. छावा सिनेमाच्या फर्स्ट लूकने प्रेक्षकांनी मने जिंकली आहेत. इतका अप्रतिम टीझर आहे. तसे पाहिले तर कोणत्याही सिनेमाचा टीझर वा ट्रेलर सर्वप्रथम यू ट्यूबवर रिलीज करण्यात येतो. मात्र, छावा हा सिनेमा या गोष्टीला अपवाद ठरला असून, सिनेमाची पहिली झलक आज थिएटरमध्ये रिलीज करण्यात आली आहे.
छत्रपती संभाजीराजेंच्या भूमिकेत अभिनेता विकी कौशल (vickykaushil)
छावा सिनेमातील प्रमुख व्यक्तीरेखा अर्थातच छत्रपती संभाजीराजेंच्या भूमिकेत अभिनेता विकी कौशल आहे. काही दिवसांपूर्वीच या सिनेमाच्या शुटिंग सेटवरील काही फोटोज व्हायरल झाले होते. त्याचवेळी छावा या बिग बजेट सिनेमात विकी कौशल असणार हे जवळपास फिक्सच झाले होते. आता तर तो मुख्य भूमिकेत या चित्रपटात दिसणार आहे. या सिनेमाचे क्राफ्ट मोठा आहे. तसेच सिनेमाचे दिग्दर्शन लक्ष्मण उत्तेकर (lakshmanutaker) यांनी केले आहे.
रश्मीका मंदानाही असणार सिनेमात (rashmika mandana)
या सिनेमात जरी विकी दिसत असला तरी अभिनेत्री रश्मी मंदाना देखील प्रमुख भूमिकेत दिसेल, अशी शक्यता वर्तवली जात आहे. तुर्तास ती टीझरमध्ये दिसत नसली तरी सिनेमाच्या क्रिडीटमध्ये तिचे नाव आहे. आता तिच्या वाट्याला कोणती भूमिका आहे, हे खरतंर छावा चा ट्रेलर आल्यावर समजू शकेल.
