नागपूरः येथील उमरेड शहराजवळील मकरधोकडा तलावात स्टंटबाजी करणाऱ्या तरुणाचा तलावामध्ये बुडून मृत्यू झाल्याची धक्कादायक घटना घडली आहे. या घटनेचा व्हिडिओ व्हायरल झाला असून, स्टंटबाजी करीत असलेल्या तरुणाला वाचण्यासाठी त्याचे मित्र मदत करताना दिसत आहे. मात्र, त्याला वाचविण्यात हे तरुण अपयशी होतात आणि दुर्देवाने या तरुणाचा मृत्यू झाला आहे. गेल्या काही दिवसांपासून धबधबे अर्थात ज्या ठिकाणी मोठ्या प्रमाणवार पाणी आहे. अशा ठिकाणी पर्यटक जात असून, निसर्गाचा आनंद लूटुत आहेत. मात्र, हा आनंद लुटताना काहींना वास्तवाची जाण येत नाही. यामुळे अशा प्रकारच्या घटना घटताना दिसत आहे.
नागपूरातील ही घटना त्याचेच एक उदाहरण आहे. उमरेड शहराजवळील मकरधोकडा तलाव आहे. येथे मोठ्या प्रमाणावर पाणी आले आहे. यामुळे येथे मोठ्या प्रमाणावर पर्यटक येत असतात. येथील घटनेत मृत्यू झालेला तरुण सुरुवातीला येथे असणाऱ्या कठ्यावर चढला. तिथे उभा राहून स्टंटबाजी करु लागला. यावेळी त्याचे दोन मित्र त्याला वाचवण्यासाठी त्या कठ्यावर चढले. त्याला हात दिवू लागले मात्र या तरुण तिथेच हातवारे करीत उभा होता. आणि अचानक काही कळायच्या आत त्याचा तोल जाऊन तो तलावात बुडाला त्याला पोहता येत नसल्याने त्याचा या घटनेत मृत्यू झाल्याची माहिती मिळत आहे. या घटनेमुळे पुन्हा एकादा स्टंट करणे तरुणाच्या जीवावार बेतली आहे.
