तळेगाव ढमढेरे: प्रतिनिधी आकाश भोरडे
पाबळ (ता. शिरुर) येथील सरकार मान्य देशी दारुच्या दुकानामागे एक इसम नागरिकांकडून मटका खेळवत असल्याची माहिती पोलिसांना मिळाली, त्या माहितीच्या आधारे पोलीस हवालदार राकेश मळेकर, पोलीस शिपाई अमोल रासकर, विशाल देशमुख यांनी सदर ठिकाणी जाऊन छापा टाकला. यावेळी पोलिसांनी एक इसम कागदावर लिहूण कल्याण मटका चालवित असल्याचे दिसले. पोलिसांनी त्याला जागेवर पकडत त्याच्या जवळील मटक्याचे साहित्य व काही रोख रक्कम जप्त केली आहे.
याबाबत पोलीस शिपाई विशाल तानाजी देशमुख (वय ३५ वर्षे रा. शिक्रापूर ता. शिरुर जि. पुणे) यांनी शिक्रापूर पोलीस स्टेशन येथे फिर्याद दिल्याने पोलिसांनी अशोक पोपट बगाटे (रा. पाबळ ता. शिरुर जि. पुणे) याच्या विरुद्ध गुन्हा दाखल केला असून, पुढील तपास पोलीस निरीक्षक दिपरतन गायकवाड यांच्या मार्गदर्शनाखाली पोलीस हवालदार राकेश मळेकर हे करीत आहेत.
