भुल भुलैय्या सिरीजमधील तिसरा भाग अर्थात भुल भुलैय्या ३ चा टीझर रिलीज करण्यात आला आहे. सिनेमाची रिलीज डेट तशी जाहीर झाली नसून, दिवाळीत हा सिनेमा थिएटरमध्ये रिलीज होणार आहे. या सिरीजमधील मागच्या दोन्ही भागांना प्रेक्षकांचा तुफान प्रतिसाद मिळाला होता. भाग दोनमध्ये अभिनेत्री तब्बुने भूताची भूमिका साकारलेली होती. तिसऱ्या भागात सिनेमाकर्त्यांनी काही बदल केलेले आहेत. यात प्रामुख्याने सगळ्यात महत्वाच बदल म्हणजे तब्बूच्या जागी भूताच्या भूमिकेत अभिनेत्री विद्या बालन (vidya balan) दिसणार आहे. तर अॅनेमल सिनेमातून प्रेक्षकांची मने जिंकणारी दिप्ती डिमरी या सिनेमात कार्तीकसोबत स्क्रीन शेअर करताना दिसणार आहे.
टीझरमधून तरी उत्तमप्रकारचे ग्राफिक्स साकारलेलं आहे, असं दिसत आहे. मात्र, दोन्ही भागांच्या तुलनेत या भागात कॅामेडीचा तडका कशाप्रकारे असणार हे पाहणं महत्वाचे असणार आहे. तसेच हॅाररकम कॅामेडी याचं कॅाम्बिनेशन म्हणून भूल भुलैय्या सिरीजच्या सिनेमांकडे पाहिले जाते. या भागात भूताच्या भूमिकेत विद्या बालन असल्याने चाहत्यांच्या मनात उत्सकता निर्माण झाली आहे. याचे कारण म्हणजे या सिनेमाचा पहिला भाग ज्यात विद्याने भूताच्या भूमिकेत आपल्या अभिनयाने सगळ्यांना बांधून ठेवलं होतं. यामुळे आता सिनेमाती गाणी आणि ट्रेलरसाठी काही दिवसांची वाट पाहावी लागेल.
