निवडणुकीचे बिगूल वाजताच रासपचे महादेव जानकर यांनी महायुतीमधून एक्सिट घेतली आहे. त्यांनी स्वःताह पत्रकार परिषद घेत याबाबतची माहिती दिली आहे. गेल्या काही दिवसांपासून जानकर हे नाराज असल्याच्या चर्चा केल्या जात होत्या. तसेच त्यांना महायुतीकडून वागणूक मिळत नसल्याचे देखील सांगितले जात होते. यामुळे त्यांनी एकला चलो रे चा ना देत स्वबळावर निवडणूक लढविणार असल्याचे संकेत दिले आहेत. निवडणुकीच्या तारखा जाहीर होताच अनेकजण विविध पक्षात प्रवेश करताना दिसत आहे. विरोधातील सत्तारूढ पक्षात जात आहेत तर सत्तारूढमधील विरोध पक्षामध्ये येताना पाहिला मिळत आहे.
२०१४ मध्ये महादेव जानकरांनी मोदी लाटेत भाजपला पसंंती देत युतीमध्ये सहभागी झाले होते. त्यावेळच्या सरकारच्या काळात त्यांना मंत्रीपद देखील देण्यात आले होते. २०१९ नंतर अत्यंत वेगाने राजकीय घडामोडी घडल्यानंतर जानकर हे पवार भेटले होते. त्याबाबत देखील राजकीय वर्तुळात अनेक चर्चा जडल्या होत्या. त्यांनी परभणी येथून लोकसभेची निवडणूक देखील लढवली होती. मात्र ते विजयी होऊ शकले नाहीत. आज महायुतीच्या बैठकीला ते उपस्थित न राहिल्याने त्यांची अनुपस्थिती त्यांची नारीजी दर्शवती होती. यामुळे आता महायुतीकडून त्यांची समजूत काढली जाणार का, हे पाहणे महत्वाचे असणार आहे.