भाटघर धरणग्रस्त २० गावात १६ कोटी ५७ लाख रुपयांची २६ विविध लोकोपयोगी विकास कामे
पुणे जिल्ह्यातील भोर तालुक्यातील भाटघर धरणग्रस्त प्रकल्पांतर्गत पुनर्वसित २० गावांना छोट्या मोठ्या नागरी सुविधा विकासकामांसह २६ विकास कामांना राज्याचे उपमुख्यमंत्री अजितदादा पवार यांच्या मार्गदर्शनाखाली प्रशासकीय मंजुरी देण्यात आली असून प्रत्यक्ष कामाची प्रक्रिया तातडीने लवकरच सुरू करण्यात येणार आहे असे तालुक्याचे जिल्हा परिषदेचे माजी जिल्हा परिषद उपाध्यक्ष रणजीत शिवतरे यांनी पत्रकार परिषदेत सांगितले.
भोर तालुक्यातील वाढाणे गावामध्ये अंतर्गत रस्ता कॉँक्रेटीकरण करणे ५६ लाख ७७ हजार, कांबरे खुर्द मध्ये मुक्ताई देवी पोहोच रस्ता ९५ लाख ७८ हजार , भांड्रवली येथे अंतर्गत रस्ता ४३ लाख, भूतोंडे येथे समाज मंदिर बांधणे २२ लाख ८० हजार ,खुलशी गावात अंतर्गत रस्ता करणे ६७ लाख ९२ हजार, गुहिणी येथे अंतर्गत रस्ता करणे ४३ लाख, बोपे मध्ये अंतर्गत पोहोच रस्ता करणे ९५ लाख २६ हजार, चांदवणे गावात चांदवणे ते जळिवणे वस्ती पोहोच रस्ता ९८ लाख ७० हजार , कुंबळे पोहोच रस्ता ९९ लाख ११ हजार, कुंबळे गावात अंतर्गत रस्ता ६८ लाख, सांगवी हिमा गावात अंतर्गत रस्ता ९७ लाख ६६ हजार, सांगवी हिमा अंतर्गत रस्त्यावर बंदिस्त गटार बांधकाम करणे ९७ लाख ७२ हजार, येवली गावात अंतर्गत रस्ता कॉंक्रिटीकरण ९८ लाख ७२ हजार , येवली अंतर्गत रस्त्यावर बंदिस्त गटार बांधणे ५४ लाख ७३ हजार, बसरापूर अंतर्गत रस्ता कॉंक्रिटीकरण ९ लाख ८४ हजार, बारे खुर्द अंतर्गत रस्ता कॉँक्रेटीकरण करणे ५१ लाख ८५ हजार, बारे बुद्रुक समाज मंदिर बांधणे २० लाख ,म्हाळवडी गावात हरिजन वस्ती पोहोच रस्ता ६५ लाख ५० हजार, म्हाळवाडी गावात तुकाई मंदिर समाज मंदिर बांधणे २० लाख ,पसुरे येथे वरपे वस्ती पोहोच रस्ता ९३ लाख २१ हजार, राजघर अंतर्गत रस्ता कॉंक्रिटीकरण ९९ लाख ८६ हजार , राजघर स्मशानभूमी १० लाख, वेळवंड गायमाळ गावात अंतर्गत रस्ता कॉंक्रिटीकरण ७६ लाख ४३ हजार ,वेळवंड गायमाळ स्मशानभूमी बांधणे १० लाख, कोंडगाव अंतर्गत रस्ता कॉंक्रिटीकरण ७९ लाख ९२ हजार, सांगवी वेळवंड खोरे अंतर्गत रस्ता ८१ लाख ३१ हजार अशा २६ विकास कामांना २० गावांमध्ये रक्कम रुपये १६ कोटी ५७ लाख ८ हजार रुपयांची प्रशासकीय मंजुरी मिळाली असून लवकरच ही कामे मार्गी लागणार असल्याचे माजी जिल्हा परिषद उपाध्यक्ष रणजीत शिवतरे यांनी पत्रकार परिषदेत सांगितले .तसेच हा विकास कामांचा पहिला टप्पा असून दुसऱ्या टप्प्यात तालुक्यातील उर्वरित राहिलेल्या अनेक गावांची विकास कामे मार्गी लागणार असल्याचेही त्यांनी सांगितले .
तालुक्याच्या सर्वांगीण विकासासाठी आपण नेहमीच कटीबद्ध राहणार आहोत व मंजूर झालेली विकास कामे आपण लवकरच मार्गी लावणार असल्याचेही त्यांच्याकडून सांगण्यात आले. तसेच आगामी विधानसभा निवडणुकीसाठी येणाऱ्या काळात आपली भूमिका देखील ते लवकरच स्पष्ट करणार आहे असे त्यांच्याकडून यावेळी बोलले गेले.अजितदादा पवार हे नेहमीच भोर तालुक्यातील सर्वच गावांमध्ये विविध विकास कामे मार्गी लावत आहेत.आपल्या उमेदवारास पराभव पत्करावा लागला तरीही त्यांनी या तालुक्यातील गावांकडे कोणताही कानाडोळा केला नाही. याउलट ही विकास कामे मंजूर करीत त्यांनी आपली या तालुक्याच्या मतदार संघाविषयीची विकासाबाबतची भूमिका स्पष्ट करीत आपण नेहमीच या तालुक्यात प्रयत्नशील असल्याचे शिवतरेंकडुन सांगण्यात आले.