शिक्रापूरः प्रतिनिधी शेर खान शेख
विठ्ठलवाडी ता. शिरुर येथील भोसे वस्ती परिसरातील एका ठिकाणी विद्युत रोहित्र फोडून त्यातील तांब्याच्या तारा चोरी केल्याची घटना घडली आहे. रात्री या भागातील वीजपुरवठा खंडीत झाल्याने सकाळी विद्युत सहाय्यक विशाल पवार यांनी येथील प्रारंभ सोसायटीच्या गुलाब ढमढेरे यांच्या येथील विद्युत रोहित्री पाहिले असता, ते फोडून त्यातील तांब्याच्या तारा चोरून नेल्याचे त्यांच्या निदर्शनास आले.
गुलाब ढमढेरे यांच्या येथील विद्युत रोहित्र फोडून चोरट्यांनी त्यातील तांब्याच्या तारा चोरून नेल्या आहेत. तळेगाव ढमढेरे येथील प्रारंभ सोसायटीचा विद्युत प्रवाह खंडीत झाल्याने विद्युत वितरण विभागाच्या कर्मचाऱ्यांनी येथे पाहणी केली असता, ही बाब उघडकीस आली आहे. याबाबत विद्युत वितरण विभागाचे विद्युत सहाय्यक विशाल जगन्नाथ पवार यांनी शिक्रापूर पोलीस स्टेशन येथे फिर्याद दिल्याने पोलिसांनी अज्ञात चोरट्यांवर गुन्हा दाखल केला असून, पुढील तपास पोलीस हवालदार किशोर तेलंग हे करीत आहेत.
