नसरापूर : सर्वत्र चर्चा असलेला महाराष्ट्रातील लोकसभेचा बारामती मतदार संघ याच मतदार संघातील लक्ष वेधून घेतलेल्या भोर तालुक्यात खासदार सुप्रिया सुळे यांच्या प्रचारार्थ हरिश्चंद्री येथे देशाचे माजी कृषी मंत्री शरद पवार, (उ बा ठा) शिवसेना पक्षाचे प्रवक्ते संजय राऊत काँग्रेसचे प्रदेश अध्यक्ष बाळासाहेब थोरात यांच्या प्रमुख उपस्थितीत भोर- वेल्हा तालुक्यातील शेतकरी, कार्यकर्ते व महविकास आघाडीच्या कार्यकर्त्यांचा जाहीर मेळावा होणार असल्याची माहिती पत्रकार परिषद घेत आमदार संग्राम थोपटे सह महाविकास आघाडीच्या पदाधिकाऱ्यांनी दिली.
यावेळी बोलताना आमदार संग्राम थोपटे म्हणाले, महाविकास आघाडीची पहिल्यांदाच सभा भोर तालुक्यात होत असल्याने तालुक्यातील शेतकरी तीनही पक्षाचे पदाधिकारी कार्यकर्ते यांनी मोठ्या संख्येने सभेला उपस्थित राहण्याचे आवाहन थोपटे यांनी केले आहे. तर जनता मतदार सुज्ञ आहेत ते योग्य तो निर्णय घेतील व विरोधकांना त्यांची जागा दाखवतील तसेच लोकसभा निवडणुकीच्या पाश्र्वभूमीवर भोर विधानसभेतील प्रत्येक मतदारापर्यंत पोहचनार असल्याचे त्यांनी या वेळी सांगितले.माजी कृषी मंत्री शरद पवार, (उ बा ठा) शिवसेना पक्षाचे प्रवक्ते संजय राऊत काँग्रेसचे प्रदेश अध्यक्ष बाळासाहेब थोरात यांच्या प्रमुख उपस्थितीत ९ मार्च रोजी सायंकाळी ४:०० वाजता हरिश्चंद्री येथील प्रांगणात होणाऱ्या भव्य शेतकरी व कार्यकर्ता मेळाव्याचे सर्व नियोज झाले असून या सभेसाठी सुमारे पंधरा हजार नागरिक उपस्थित राहणार आहेत.
या वेळी काँग्रेसचे भोर तालुका अध्यक्ष शैलेश सोनवणे, वेल्हाचे अध्यक्ष नाना राऊत, शिवसेनेचे भोर तालुका अध्यक्ष ज्ञानेश्वर शिंदे, वेल्हा अध्यक्ष दीपक दामगुदे, राष्ट्रवादी (शरद पवार गट) भोर तालुका अध्यक्ष रवींद्र बांदल, वेल्हा अध्यक्ष दीपक रेणुसे, पोपटराव सुके, दिनकर धरपाळे आदित्य बोरगे, लहूनाना शेलार, शंकर वरखडे, धनंजय भुरुक, विठ्ठल वाडकर, शिवराज वाडकर, नारायण कोंडे, ज्ञानेश्वर पांगारे, निखिल डिंबळे, सुधीर खोपडे, अरविंद सोंडकर व तीनही पक्षाचे प्रमुख पदाधिकारी उपस्थित होते.
भोर वेल्हा मुळशी तालुक्यातील सर्व महाविकास आघाडीचे पदाधिकारी व कार्यकर्ते एकत्रित चांगल्या प्रकारे काम करणारा असून या वेळी चौपट मताधिक्याने सुप्रिया सुळेच निवडून येणार असल्याचा विश्वास सर्व सामान्य जनते मध्ये आहे.
– रवींद्र बांदल राष्ट्रवादी (शरद पवार गट) भोर तालुका अध्यक्ष
मतदार सुज्ञ आहेत ते योग्य तो निर्णय घेतील तर लोकसभेला शिवसेना( ऊबाठा )आघाडी सोबत असल्याचे या वेळी त्यांनी सांगितले. तर तिन्ही पक्ष सोबत असल्याने मोठ्या मताधिक्याने सुप्रिया सुळे विजयी होणार असल्याचा विश्वास त्यांनी व्यक्त केला.
– ज्ञानेश्वर शिंदे, शिवसेना (उबाठा) भोर तालुका अध्यक्ष
