शिरुर: तालुक्यातील एका गावातील मुलीला लग्नाचे आमिष दाखवत स्वतःच्या चारचाकी वाहनातून टाकवे (ता. मावळ, जि. पुणे) येथे घेऊन जात तिच्यावर जबरदस्तीने शारीरिक संबंध ठेवत बलात्कार केला असल्याचा धक्कादायक प्रकार घडला असून, याबाबत रांजणगाव MIDC पोलीस स्टेशन येथे परप्रांतीय आरोपीवर बाललैंगिक अत्याचार (पोस्को) तसेच बलात्काराचा गुन्हा दाखल करण्यात आला आहे.
जबरदस्तीने प्रस्थापित केले शारीरिक संबंध
रांजणगाव MIDC पोलिसांनी दिलेल्या माहितीनुसार, फिर्यादी अल्पवयीन मुलीला आरोपीने तिच्या घराजवळून लग्नाचे अमिष दाखवत त्याने आणलेल्या चारचाकी वाहनातून तो राहत असलेल्या टाकवे (ता. मावळ जि.पुणे) या ठिकाणी घेवून गेला. त्यानंतर इतर लोक कामावर गेले असताना पिडीत अल्पवयीन मुलीशी जवळीक साधून लग्नाचे आमिष दाखवत “अभी आपण दोनो शादी करणेही वाले है तो क्या प्रॉब्लेम है” असे म्हणत फिर्यादीच्या संमतीशिवाय तिच्याशी जबरदस्तीने शारीरीक संबंध प्रस्थापित केले.
त्यामुळे पीडित अल्पवयीन मुलीने रांजणगाव MIDC पोलीस स्टेशन येथे सोनाई मंडल (रा. पश्चिम बंगाल सध्या रा. टाकवे ता. मावळ जि. पुणे) याच्या विरुध्द फिर्याद दिल्याने पोलिसांनी आरोपीवर बाल लैंगिक अत्याचारासह बलात्काराचा गुन्हा दाखल केला आहे. रांजणगाव MIDC पोलीस स्टेशनचे पोलीस निरीक्षक महादेव वाघमोडे यांच्या मार्गदर्शनाखाली पोलीस उपनिरीक्षक सविता काळे या घटनेचा पुढील तपास करीत आहेत.
