पारगांवः येथील रयत शिक्षण संस्थेचे न्यू इंग्लिश स्कूल महाविद्यालय असून, या महाविद्यालयाने अनेक विद्यार्थी विद्यार्थिनी घडवलेले आहेत. कोण अधिकारी तर कोण एखाद्या चांगल्या पदावर कार्यरत आहे. या विद्यालयासाठी आपले ऋण म्हणून अनेक माजी दहावीच्या बॅचच्याकडून महाविद्यालयासाठी वस्तू स्वरूपात, आर्थिक स्वरूपात मदतीचा ओघ सुरूच आहे. आपल्या शाळेविषयी कर्तव्य म्हणून मुलींसाठीचे स्वच्छतागृह बांधकामासाठी मदत म्हणून 1998 च्या दहावीच्या माजी विद्यार्थ्यांनी जवळजवळ ४० सिमेंटच्या पिशव्या उपलब्ध करून देत खारीचा वाटा उचलला आहे.
पारगांव न्यू इंग्लिश स्कूल मुलींच्या स्वच्छतागृहाची मागणी पुढे आल्याने काही दिवसांपूर्वी हे काम सुरू करण्यात आले आहे. यासाठी माजी विद्यार्थी मदतीसाठी पुढे आले आहेत.
