खंडाळा: तालुक्यातील अटीत गावाचे सुपुत्र पुरुषोत्तम जाधव यांनी वाई विधानसा मतदार संघासाठी अपक्ष उमदेवारी अर्ज दाखल करीत जोरदार प्रचाराला सुरूवात करीत प्रचारामध्ये आघाडी घेतले आहे. या विधानसभा क्षेत्रात येणाऱ्या गावात ते जात असून, नागरिकांशी संवाद साधत आहे. त्यांच्या संवाद दौऱ्याला नागरिकांचा चांगला प्रतिसाद मिळताना दिसत आहे. त्यांच्या प्रचारार्थ त्यांचे पुत्र शुभंकर पुरुषोत्तम जाधव हे मैदानात उतरले असून, खंडाळा तालुक्यातील गावागावांत जाऊन जाधव यांचा जोरदार प्रचार करीत आहे.
आपल्या मतदारसंघात मोठ्या प्रमाणात औद्योगीकरण झाले आहे. स्थानिक तरुणांना रोजगार उपलब्ध करून देण्यासाठी योग्य तो प्रतिनिधी निवडून देणे खूप महत्त्वाचे आहे. पुरुषोत्तम जाधव साहेब गेली २० वर्षांहून अधिक काळ तरुणांसाठी मोठा संघर्ष करीत आहेत. क्रीडा क्षेत्रात देखील साहेबांचे काम खूप मोठे योगदान आहे. यामुळे आपण सर्वांनी विधानसभेसाठी पुरुषोत्तम जाधव यांना संधी द्यावी, असे आवाहन केसुर्डी येथे आयोजित केलेल्या कोपरा सभेत शुभशंकर जाधव यांनी तरूणांना केले. वडिलांसाठी पूर्ण क्षमतेने निवडणुकीत त्यांचे पुत्र शुभंकर हे उतरले असून खंडाळा तालुक्यातील प्रत्येक गावात जाऊन घरोघरी जाधव यांचा जोरदार प्रचार करीत आहेत.
