पुणेः महिला रुग्णाशी डॅाक्टरने लगट करुन जबरदस्तीने तिला शारीरिक संबंध ठेवण्यास भाग पाडल्याचा धक्कादायक प्रकार दौंड तालुक्यातील वरवंड येथे घडला आहे. संबंधित डॅाक्टरच्या खाजगी दवाखान्यात पीडित महिला उपचारासाठी आली होती. नराधम डॅाक्टरने पीडित महिलेशी ओळख वाढवून वेगवेगळ्या ठिकाणी नेत जबरदस्तीने शारीरिक संबंध प्रस्थापित करण्यात भाग पाडल्याचे पीडित महिलेने पोलिसांनी दिलेल्या तक्रारीत म्हटले आहे. या प्रकरणी पाटस पोलिसांत डॅाक्टराविरोधात गुन्हा दाखल करून अटक करण्यात आली आहे.
लगड करीत मारली मिठी
डॉ. सुनिल नामदेव झेंडे (मुळ रा. दिवे ता. पुरंदर, सध्या रा. वरवंड ता. दौंड) असे अटक करण्यात आलेल्या डॉक्टरचे नाव असून वरवंड येथे डॉ. झेंडे हा धन्वंतरी अॅक्युप्रेशर सेंटर नावाचा आयुर्वेदिक दवाखाना चालवतो. या धन्वंतरी दवाखान्यात २१ ऑगस्ट २०२४ रोजी पीडित महिला तिला पाठीवर गाठ आली होती. यासाठी उपचार घेण्यासाठी आली होती. आरोपी डॉक्टरने तिच्याशी गोड बोलून तिला जवळ ओढत मिठी मारली. तिने आरोपीला ‘डॉक्टर तुम्ही असे काय करताय? अशी विचारणा केली. तसेच मी माझ्या घरातील लोकांना सांगेल’, असे म्हणत त्याच्यापासून सुटका करून घेण्याचा प्रयत्न केला. त्यावेळी नराधम डॅाक्टरने ‘मला तु मला आवडतेस. आपण दोघे बाहेर फिरायला जाऊ’ असे म्हणत पुन्हा लगट करण्याचा प्रयत्न केला असल्याचे फिर्यादीत नमूद करण्यात आले आहे.
सोन्याचा राणी हार घेऊन पीडित महिलेला धमकी
तसेच या महिलेने आरोपीच्या या मागणीला नकार दिला. मिळालेल्या माहितीनुसार, आरोपीने त्यानंतर बळजबरीने तिला दवाखान्याच्या आतील खोलीत नेले. तेथे तिच्यावर अत्याचार केला. याविषयी कोणाला काही सांगू नकोस, नाहीतर मी तुझी बदनामी करीन, अशी पीडित महिलेला डॅाक्टरने दिली. आरोपी डॉक्टरने १९ नोव्हेंबर २०२४ पर्यंत पीडित महिलेला वेगवेगळ्या ठिकाणी नेत तिच्यावर अत्याचार केला. धक्कादायक बाब म्हणजे आरोपीने पीडित महिलेकडे सोन्याचा हार मागितला. पिडीत महिलेने भितीपोटी अडीच तोळ्यांचा सोन्याचा राणीहार घरात कोणास काही न सांगता त्याला आणून दिला.
अन्यथा…तुझ्या घरच्यांना सांगेन
दहा दिवसानंतर सोन्याचा राणीहार महिलेने डॅाक्टरला परत मागितला. मात्र, डॉक्टरने हा सोन्याचा हार परत देण्यास नकार दिला. तसेच ‘तुला तुझा राणीहार पाहीजे असेल, तर तू माझ्यासोबत शारीरिक संबंध ठेव. अन्यथा मी तुझ्या घरच्यांना याबाबत सांगेन, अशी धमकीच डॅाक्टरने दिली असल्याचे फिर्यादीत नमूद करण्यात आले आहे. या प्रकरणी पीडित महिलेने पाटस पोलीस ठाणे गाठत डॅाक्टरविरोधात तक्रार दिली. पाटस पोलिसांनी मंगळवारी (दि. १०) संबंधित डॉक्टरविरोधात बलात्काराचा गुन्हा दाखल करून त्याला बेड्या ठोकल्या आहेत. दौंड न्यायालयात आरोपी डॅाक्टरला हजर केले असता न्यायालयाने त्याला १६ डिसेंबरपर्यंत पोलीस कोठडी सुनावली आहे. या प्रकरणाचा पुढील तपास पोलीस उपनिरीक्षक सलीम शेख हे करीत आहेत.
