शिक्रापूरः प्रतिनिधी शेर खान शेख
जातेगाव बुद्रुक ता. शिरुर येथील शिरूर तालुक्यातील शेतकऱ्यांसाठी वरदान ठरलेल्या श्री व्यंकटेशकृपा शुगर मिल्क साखर कारखान्याने अल्पावधीतच आपले नावारूप सिद्ध केले असून, या कारखान्याला नुकतेच विस्मा संस्थेच्या वतीने देण्यात येणारा उत्कृष्ट आर्थिक व्यवस्थापन पुरस्कार देऊन गौरविण्यात आले आहे.
जातेगाव बुद्रुक ता. शिरुर येथील श्री व्यंकटेशकृपा शुगर मिल्क साखर कारखान्याने कमी जागेत युनिटची उभारणी, भरघोस गाळप आणि योग्य टिमवर्कच्या माध्यमातून जलद निर्णयक्षमता या सारख्या अनेक पैलूंमध्ये आपली यशस्वी वाटचाल दर्शवली आहे. कारखान्याचे चेअरमन संदीप तौर यांच्या नेतृत्वाखालील अचूक नियोजन आणि योग्य मार्गदर्शनामुळे कारखाना नाविन्यपूर्ण काम करत असताना कारखान्याच्या स्थापनेपासून ऊस उत्पादक शेतकरी, शेअरधारक, कामगार वर्ग आणि सन्माननीय संचालक मंडळ यांच्या सहकार्यामुळे चेअरमन संदीप तौर यांच्या माध्यमातून कारखाना प्रगती करत आहे.
कारखान्याच्या उत्कृष्ट कार्यामुळे विस्मा संस्थेचा उत्कृष्ट आर्थिक व्यवस्थापन पुरस्कार कारखान्याला प्रदान करण्यात आला. याप्रसंगी चेअरमन संदीप तौर, जनरल मॅनेजर भानुदास सायकर, जनरल मॅनेजर विवेक सोनवणे यांसह आदींनी सदर पुरस्कार स्विकारला असून, मिळालेल्या पुरस्कारमुळे पुणे जिल्ह्यातून अभिनंदन होत आहे.
