पुणेः शहरातील पुणे रेल्वेस्थानकात एक्सप्रेस गाडीच्या समोर दोघांनी उड्डी घेत आपले जीवन संपवल्याची धक्कादायक घटना मंगळवारी पहाटे सहा वाजण्याच्या सुमारास घडली आहे. मयतांची अद्यापर्यंत ओळख पटलेली नाही. यापैकी एक पुरुष व एक महिला असल्याची माहिती मिळत असून, दोघांचे वय अंदाजे ४० असल्याचे सांगण्यात आले आहे.
फलाट क्रमांक २ वर सोमवारी रात्री एक्सप्रेस गाडी लावण्यात आली होती. मंगळवारी पहाटेच्या सुमारास सदर एक्सप्रेस गाडी फलाटावरून निघाली. त्याच्या काही वेळ अगोदर रुळावर दोघजण येऊन झोपले. यानंतर गाडी त्यांच्या अंगावर गेल्याने त्या दोघांचा जागीच मृत्यू झाला आहे. या प्रकरणी रेल्वे पोलीस अधिकचा तपास करीत असून, दोघांचीही ओळख पटलेली नाही. त्या ठिकाणचे सीसीटीव्ही फुटेज तपासणीचे काम रेल्वे पोलीस करीत आहेत.
