बाळु शिंदे: राजगड न्युज
नसरापूर : हायवे लगत असणाऱ्या भागातील मोठ्या प्रमाणात चोरी घडत असून आता चोरट्यांनी शेतकऱ्यांच्या व व्यावसायिकांच्या शेती पंपावर देखील चोरी केल्याची घटना घडली.
कामथडी (ता.भोर) येथे पुणे-सातारा महामार्गाच्या बाजूस स्वामी समर्थ रामटेक नर्सरीमधील बोअरवेलमध्ये लावलेली इलेक्ट्रिक मोटर चोरुन अज्ञात चोरट्याने नेली असल्याबाबत नर्सरी मालक दीपक दत्तात्रेय वाल्हेकर (वय ३४, रा. कामथडी ता.भोर) राजगड पोलिस ठाण्यात तक्रार दिली आहे.
पोलिसांनी दिलेल्या माहितीनुसार,गुरुवारी (ता.५) रात्रीच्या सुमारास वाल्हेकर यांच्या स्वामी समर्थ नर्सरीमध्ये बाजूच्या मोकळ्या जागेतून प्रवेश करून अज्ञात चोरट्याने त्यांच्या बोअरवेलमध्ये लावलेली १.५ एचपीची सुमारे ३७ हजार रुपये किमतीची इलेक्ट्रीक मोटरची वायर चोरुन नेली आहे. या बाबत अज्ञात चोरट्याच्या विरोधात गुन्हा दाखल करण्यात आला आहे. पुढील तपास राजगड पोलीस करीत आहेत.
