पारगांवः प्रतिनिधी धनाजी ताकवणे
शिंदेवाडी शाळेत ऑगस्ट महिन्याची केंद्रस्तरीय शिक्षण परिषद घेण्यात आली. शासनाच्या धोरणानुसार प्रत्येक महिन्यात एक शिक्षण परिषद घेण्यात येते, त्यामध्ये वेगवेगळ्या प्रकारचे विषय आणि उपक्रमांबाबत चर्चा होते. त्याचबरोबर विद्यार्थ्यांच्या गुणात्मक वाढ करण्यासाठी जे प्रयत्न करण्यात येतात त्याबद्दल या शिक्षण परिषदेमध्ये चांगल्या प्रकारचे मार्गदर्शन करण्यात येऊन त्याचा वापर विद्यार्थ्यांच्या शैक्षणिक गुणवत्ते वाढीसाठी होत असतो. त्याच अनुषंगाने या वेळीची शिक्षण परिषद पारगाव केंद्रातील शिंदेवाडी शाळेत घेण्यात आली.
या परिषदेमध्ये वेगवेगळ्या प्रकारच्या विषयांवर मार्गदर्शन करण्यात आले. यावेळचे वैशिष्ट्य म्हणजे सर्व जिल्हा परिषदेच्या शाळा हायस्कूल यांच्या शाळा व्यवस्थापन समितीचे अध्यक्ष महिला पदाधिकारी यांना सुद्धा यामध्ये प्रशिक्षण देण्यात आले. सखी सावित्री मंच, विद्यार्थी सुरक्षा समिती, परिवहन समिती, त्याचबरोबर पास्को कायदा याविषयी सर्व शिक्षकांना त्याचप्रमाणे शाळा व्यवस्थापन समिती अध्यक्ष व महिला पदाधिकारी यांना मार्गदर्शन करण्यात आले.
या केंद्र परिषदेसाठीसाठी पारगाव केंद्रातील सर्व शाळांचे शाळा व्यवस्थापन समितीचे अध्यक्ष, उपाध्यक्ष त्याचबरोबर महिला पदाधिकारी मोठ्या संख्येने उपस्थित होते. परिषदेसाठी तज्ञ मार्गदर्शक म्हणून नानगाव हायस्कूलचे चंद्रशेखर मिसाळ व पारगाव हायस्कूलचे शिंदे सर यांनी मोलाचे मार्गदर्शन केले. त्याचबरोबर पारगाव केंद्राचे प्रभारी केंद्रप्रमुख कैलास आढागळे यांनी या संपूर्ण कार्यक्रमामध्ये शासनाच्या विविध जीआरचे वाचन करून दाखवले. त्याचबरोबर वेगवेगळ्या विषयांवरती चर्चा घडवून आणून योग्य प्रकारे शिक्षकांना मार्गदर्शन केले.
शिक्षकांच्या वेगवेगळ्या प्रकारच्या शंकांचे समाधान करण्याचा प्रयत्न अडागळे सर यांनी या परिषदेमध्ये केला. ही केंद्र परिषद शिंदेवाडी शाळा, कवडेवाडी शाळा, मोसे बुद्रुक शाळा यांच्या नियोजनातून पार पडली. या शिक्षण परिषदेसाठी केंद्रातील सर्व शिक्षक उपस्थित होते. तसेच पारगाव ग्रामपंचायतचे सदस्य संभाजी ताकवणे, बाजीराव तांबे, सुमन चव्हाण हे देखील उपस्थित होते. केंद्रातील सर्व शाळांचे अध्यक्ष, उपाध्यक्ष उपस्थित होते. यामध्ये शिंदेवाडी शाळेचे अध्यक्ष सुनील चव्हाण, उपाध्यक्ष विशाल जेधे आणि माता पालक संघाच्या अध्यक्ष दिपाली काळे उपस्थित होत्या.
या परिषदेसाठी शिक्षक समितीचे अध्यक्ष बापूराव खळदकर हे उपस्थित होते. या कार्यक्रमाचे सूत्रसंचालन शिंदेवाडी शाळेचे मुख्याध्यापक संदीप थोरात, तर आभार प्रदर्शनाचा कार्यक्रम कवडेवाडी शाळेचे मुख्याध्यापक भानुदास भोसले, किसन दिवेकर यांनी केले. अक्का मोरे, अश्विनी खळदकर, आढाव मॅडम यांनी या नियोजनामध्ये सहभाग घेतला होता.
