चणा जोर गरम बाबू…शेंगदाणे घ्या कुणी फुटाणे, अगदी स्वस्तात आहेत बर, गरम गरम वडापाव, अगदी आदबीन ग्राहकाशी हितगुज करत पाणी पुरी, भेळ, बटाटे वडे यासारखे अनेक पदार्थ विकण्यासाठी विद्यार्थी दुकानदार झाले होते. ग्रामस्थांनी देखील ग्राहक बनून या विद्यार्थ्यांना प्रोत्साहन दिले.गरम गरम पदार्थ्यांवर ताव मारला.
प्रसंग होता शिरूर तालुक्यातील कान्हूर मेसाई येथील विद्याधाम माध्यमिक व उच्च माध्यमिक विद्यालयात आंतरशालेय प्रो- कबड्डीचे आयोजन करण्यात आले होते. तसेच या निमित्ताने विद्यार्थ्यांनी खाऊगल्लीचे आयोजन केले होते. या स्पर्धांचे उद्घाटन मुख्यमंत्री कार्यालयातील माजी सहसचिव दत्तात्रय थोरात यांनी केले. कान्हूर मेसाईचे उद्योजक संदिप तांबे हे कार्यक्रमाचे प्रयोजक होते.
