भोर प्रतिनिधी -कुंदन झांजले
भारतीय जनता पक्षाची संघटनात्मक बैठक
देशात व राज्यात भारतीय जनता पक्षाचे सरकार आहे त्यामुळे केंद्र व राज्य सरकारच्या विविध लोकोपयोगी योजना, विकास कामे आणि भारतीय जनता पक्षाची ध्येयधोरणे सर्व स्तरातून जनतेपर्यंत पोहचणार असुन तालुक्यात पक्ष वाढीसाठी प्रयत्न करणार असल्याचे वक्तव्य भारतीय जनता पक्षाचे भाजपा युवा मोर्च्याचे उपाध्यक्ष ॲडव्होकेट कुणाल टिळक यांनी भोर येथील बैठकीत केले.
भोर तालुक्यातील भाजप युवा मोर्चाची संघटनात्मक बैठक भोर येथील सोनाली गार्डन येथे पार पडली या बैठकीसाठी भाजप युवा मोर्चाचे महाराष्ट्र प्रदेश उपाध्याक्ष ॲड.कुणाल टिळक यांच्या मार्गदर्शनाखाली पार पडली. यावेळी युवा मोर्चाचे भोर तालुका अध्यक्ष आदर्श सरपंच अमर बुदगुडे यांनी युवा मोर्चाच्या माध्यमातून एक आगळी वेगळी चळवळ तयार करून आपल्या माध्यमातून केंद्र व राज्यसरकारच्या सर्व योजना प्रत्येक व्यक्तीपर्यंत पोचवण्याचा आणि संघटना बळकट करण्याचा विश्वास या प्रसंगी व्यक्त केला.
या बैठकीस भाजपचे भोर तालुका अध्यक्ष जीवन कोंडे, महाराष्ट्र प्रदेश युवा मोर्चा सचिव अक्षय नलावडे, सरचिटणीस विजयकुमार वाकडे, राजेंद्र गुरव, कपिल दुसंगे, नागेंद्र चोबे, दिपाली शेटे, स्वाती गांधी, पल्लवी फडणीस, राजेंद्र मोरे, सागर तनपुरे, दीपक मालुसरे, ओंकार गोरड, निलेश चव्हाण , निलेश कोंडे आदिसह पक्षाचे शहरातील व तालुक्यातील पदाधिकारी व कार्यकर्ते मोठ्या संख्येने उपस्थित होते.
