प्रतिनिधी : कुंदन झांजले
भोर : भोर पोलीस स्टेशन हद्दीतील वरंधा घाटात शिरगावजवळ रविवारी (दि.८) मध्यरात्री अडीचच्या सुमारास मिनी बस दरीत कोसळून अपघात घडला होता या अपघातात अजिंक्य संजय कोलते रा. धनकवडी पुणे याचा उपचारादरम्यान मृत्यू झाला असून राजेंद्र लाला मिसाळ रा. पद्मावती पुणे, रमेश तुकाराम महाडिक रा.पुणे सुभाष कदम राहणार पुणे ,करिष्मा उत्तम कांबळे रा. सिंहगड पुणे यांना पुढील उपचारासाठी पुणे या ठिकाणी पाठविण्यात आले आहे.
काय होता घटनाक्रम
स्वारगेट ते चिपळूण १० व्यक्तींना घेऊन स्वारगेट- भोर- महाड मार्गे चिपळूणकडे जात असताना वरंध घाट येथील शिरगाव जवळ गाडीवरील नियंत्रण सुटल्याने गाडी ६० फूट दरीत कोसळली अपागात झाले नंतर वाहन चालक वरती येऊन स्थानिकांनी याबाबत माहिती दिली . त्यानंतर लागलीच हॉटेल मालक दत्ता पोळ, अक्षय धुमाळ, भीमा पोळ, संतोष पवार या शिरगावच्या तरुणांनी घटनास्थळी धाव घेऊन अधांतरीत असलेल्या बसला प्रथम दोरीने बांधले व त्यानंतर अपघातग्रस्त गाडीतीतील प्रवाशांना सुखरुप बाहेर काढले.पोलीस स्टेशन ला माहिती कळवली असता अपघाताची माहिती मिळताच घटना स्थळी भोर पोलीस स्टेशनचे पो‌लिस निरीक्षक शंकर पाटील आपल्या सहका-यांसह , रेस्क्यु टीमसह घटनास्थळी दाखल झाले सदर अपघातामधील सर्व व्यक्तींना सुखरूप बाहेर काढण्यात आले .
दरम्यान, अपघातातील पाच जखमी प्रवाशांना उपजिल्हा रुग्णालय भोर या ठिकाणी उपचार कामी पाठवण्यात आले . या अपघातात जखमींपैकी अजिंक्य संजय कोलते रा. धनकवडी पुणे याचा उपचारादरम्यान मृत्यू झाला असून राजेंद्र लाला मिसाळ रा. पद्मावती पुणे, रमेश तुकाराम महाडिक रा.पुणे सुभाष कदम राहणार पुणे ,करिष्मा उत्तम कांबळे रा. सिंहगड पुणे यांना पुढील उपचारासाठी पुणे या ठिकाणी पाठविण्यात आले आहे.
