पिंपरीः चिंचवड शहरात धक्कादायक घटना घडली आहे. प्रियकराने किरकोळ झालेल्या वादातून प्रेयसीची गळा आवळून हत्या केली असल्याची प्राथमिक माहिती मिळत आहे. सदर घटना ही मंगळावारी रात्री बारा ते पहाटे तीन वाजण्याच्या सुमारास घडली आहे. दरम्यान हत्या करणारा प्रेयकर फरार असून त्याचा पोलीस शोध घेत आहेत.
पोलिसांनी दिलेल्या माहितीनुसार, चिंचवडमध्ये प्रियकरासोबत मयत प्रेयसीचा वाद झाला होता. या वादातून प्रियकराने प्रियसिचा गळा आवळून तिची हत्या केली आहे. तसेच मृतदेह तरुणीच्या आईच्या घरासमोर रिक्षात ठेवून प्रियकर फरार झाला आहे. ही घटना रात्री बारा ते पहाटे तीनच्या दरम्यान घडली असल्याची माहिती वाकड पोलिसांनी दिली. शिवानी सुपेकर असे हत्या झालेल्या तरुणीचे नाव आहे. तर संशयित प्रियकर विनायक आवळे असे प्रियकराचे नाव आहे. हे दोघे गेल्या दोन वर्षांपासून लिव्ह इन रिलेशनशिपमध्ये एकत्रित राहत होते.
मंगळवारी रात्री दोघांमध्ये किरकोळ वाद झाला होता. याच वादाच्या रागातून विनायकने शिवानीचा गळा आवळून हत्या केली. त्यानंतर तिचा मृतदेह रिक्षात ठेवून तिच्या आईच्या घरासमोर रिक्षा लावली. सदर घटना आज सकाळी उघडकीस आली आहे. आरोपी प्रियकर हा रिक्षा चालक असून, तो फरार आहे. त्याचा शोध सुरू असल्याची माहिती वाकड पोलिसांनी दिली.
