यवत : दौंड तालुक्यातील अनेक पक्षांचे कार्यकर्ते भाजपामध्ये प्रवेश करत असतानाच आज जिरेगाव (ता. दौंड) येथील सरपंच भरत खोमणे, उपसरपंच सुनंदा भंडलकर, बाळकृष्ण लाळगे, तंटामुक्ती समितीचे बापूराव लोणकर, कृष्णा भंडलकर, युवराज खोमणे, माजी उपसरपंच त्रिंबक भंडलकर, माजी ग्रामपंचायत सदस्य रमेश भंडलकर, महेंद्र खंडाळे यांच्यासह सुमारे २०० कार्यकर्त्यांनी आमदार राहुल कुल यांच्या उपस्थितीत भारतीय जनता पक्षात प्रवेश केला. या वेळी आमदार राहुल कुल यांनी भाजपामध्ये दाखल झालेल्या सर्व पदाधिकाऱ्यांचे व कार्यकर्त्यांचे स्वागत केले. गावाच्या विकासासाठी (Yavat News) शासनाच्या माध्यमातून सर्वतोपरी सहकार्य करण्याचे आश्वासन आमदार राहुल कुल यांनी दिले.
या वेळी पुणे जिल्हा बँकेचे संचालक प्रदीप कंद, भीमा पाटसचे उपाध्यक्ष नामदेव बारवकर, भाजपचे तालुकाध्यक्ष हरिश्चंद्र ठोंबरे, भीमा पाटसचे माजी संचालक लक्ष्मण रांधवन, (Yavat News) संपत आटोळे, अरुण आटोळे यांच्यासह कार्यकर्ते मोठ्या संख्येने उपस्थित होते.
